অরুনডি আতুরেন রামধন মুরমু আর সুগি মুরমু তাকিন দ মিত সুলুক ঘারঞ্জ কিন বেনাও লেদা । দমে হঁ বাংকিন রেগেচ আ আর দমে হঁ বাংকিন কিসৌড় আ দিকু কাথাতে জাহা ক লৌই আ নিম্ন মধ্য বিত্ত ফ্যামেলি । সাধরে বারয়া(২) তাকিন কুড়ি গিদৌর মারাং কুড়ি দিপিকা মুরমু আর হুডিঞ কুড়ি লিপিকা মুরমু বানার কুড়িগে সান্তাড় কানরেহকিন ঞেল তেদ চরক চিকৌড় উলবিলি কায়রা পহা হড়ম লেকা কিন ঞেল আঃ। রামধন আর সুগি দ দিপিকা আর লিপিকা ইদি কাতে আডি কুকমুকিন ঞেল লেদা আর অনা খাতিরগে বানার বয়হা কুড়িগে অলঃ পাড়াও করে যাতে আলকিন অসুবিধা মা অনা হঁকিন রিকৌলেদা বানার কুড়িগে লাহা তায়ম আতু সুর কলেজরে কিন ভরতি ঞেনা। College জিয়নদ হারা তরা জুয়ৌন কড়া কুড়ি ঠেনদ আষাড় বঙ্গা দাঃরেন হাকুলেকা চেহেল চেপেল উকুল ডুবুল পায়রাঃ রেনাঃ অক্ত কানা । দিপিকা দ 1st Year খন 2nd Year তেয় রাকাপ এনা। আয়ু-বাবা হঁ দমে কিন কুশিয়েনা, মারাং মৌই দয় হড়ঃ কান তাকিন গেয়ায় আয় উমান এদাকিন, মেন-খান 2018-পঞ্চায়েত ভোট মাড়াং অকালেকা চং আডি বাড়িচ হয় হিসিত সেটেরাঃ কিনাঃ আর বহঃরে সেংগেল উব আঃ কিন লেকা কিন বুঝাও কেদা । আজম কেদা কিন কলেজ খন রুউয়াড় অক্তরে দিপিকা দ মিত বাহুয়ান ছাতিক তুড়ুক এ আতকির ইদি আকাদেয়া। নিয়াম লেকাতে রামধন মুরমু দ আক সোর সাসাংডি থানারে মিসিং ডাইরি কেদাকিন, ৫দিন তায়ম থানা খন খবর কিন ঞাম কেদা যে দিপিকা দয় ঞাম আকানা, জাহা খাতির গে রামধন মুরমু দ দিপিকা দ অড়াতে ইদি বাং বুঝাও লেদেয়া। থানা হঁ কুড়ি গিদৌর কুলি বাড়া কাতে আর হ উনি তুড়ুক সালাঃ ক ভেজা রুয়াড় কেদেয়াক । মেনখান নওয়া ঘটনা দ আতুরে পাসনাও এনা, আতু হড় রামধন মুরমু দ দমেক এগের কেদেয়া থিরথার তাহে খাতির । আতু মাঝি মাপাজি ক সাওতারেন হড় ক বাডায় হচকেত কোওয়ায় ইনা তেগে ভোট হুয় এনা রেজাল্ট হঁ উডুক এনা দিপিকা মুরমু আত তায়ম ১৬-১৭দিন পারম আকানা দিপিকা মৌই আঃ খবর বানু আঃ মেন খান সান্তাড় সাওতারে হড় ভিতিরে খবর দ গুরলৌও কানা আডি সান্তাড়গে বহঃ ললঃ কান তাকওয়া মেনখান চেত বাক চিকৌ দাড়েয়া কানা । সান্তাড় আতুটলা করেনা লল লল কাথা ক আজম কাতেঃ পুলিশ আর তুড়ুক মিত কাতেঃ দিপিকা মৌইদ আতঃ ২১দিন তায়ম রামধন মুরমু আঃ অড়াঃ তেক সেটের হট কেদেয়াক আর ক মেতাদেয়া নুউয়ুয় তাম কুড়ি গিদৌর। রামধন আর সুগি কুড়ি গিদৌর আঃ অবস্থা ঞেল কাতে আডি বাড়িচ কিন বুঝৌও কেদা আর ওকয় লেকান আয়ু বাবা বাড়িচ বায় বুঝাও ২০-২১ দিন মিটান হারা তরা কুড়ি গিদৌর তুড়ুক অড়াঃরেয় তাহে কানা, চেতলেকান বেবাড়িচ হুয় আকানা অনা দ ওকয় বায় বুঝাও। আদ জাহায়েন গে আতুরেন হড়কওয়া দিশ হুদিসতে দশার হিলোঃ হড়ম সাওতে মানসিক ডাকতর ঠেন ঞেল রেনা কিন গটা কেদাঃ । মেনখান আডি দুখরেনাঃ কাথা দিপিকা মুরমু দ অড়াঃ হড় দ কোন সুযোগ গে বায় এমাঃ কওয়া দশার হিলৌ ডাকতর অড়া চালা লাহারেগে অড়ারে বাবের তেয় পাশি গচ এনা । অরুনডি আতুরে মগত মগত লঃ কান সেঙ্গেল দ জুল রাকাপ এনা গটা পাকাড় খবর পাসনাও এনা যে তুড়ুক কোওয়া নাহাচারতেগে মিটান সান্তাড় কুড়ি গচ আকানায় । নোওয়া খবর আজম কাতে আলে হারাম জাদা বাজার বৌল্টৌ ইঞ আর সুরাই দা সাওতে আর দরদিয়া সুসারিয়া ক গাডি ভাড়া কাতে চালাও এনালে সাওতে আর রাগাও আন কড়া ক ইদি কাতে সাসাংডি থানা লে সেটের কেদা। সেটের কাতে ঞেলএত কোওয়ালে হাজার হাজার সান্তাড় সাসাংডি থানা ক ঘেরাও এসেত আকাদা, গাডি খন আড়গ তরাগে বাজার বৌল্টৌ কানরেহলে গমকে গমকে কাতে ক হেচ সুর কাতে দমেক জহার আঃ লেয়া আর জারওয়া আকান সান্তাড় দমে ক কুশিয়েনা । সাসাংডি থানা সামাং রেয়াঃ মেইন সড়ক হর ডাহার পুরা এসেত হুয় আকানা লল লল ভাষণ এতহব এনা কড়াক রাগিতে সাসাংডি থানা গেট ঘানে ক থিয়ায় আঃ ঘানে কাপি টাংগা তেক মাঃ আঃ পরিস্থিতি ঞেল কাতে পুলিশ গালমারাও লাগিত মিনিটে মিনিট ফোন ক এতহব কেদা আবরেন গমকে ঠেন, D.M S.P ওকয় হ বাদ বানু কোওয়া । গমকে পুলিশ ২ঘণ্টা অক্ত এমা কোওয়া আসামি ক সাব লাগিত, অবস্থা ঞেল কাতে পুলিশ মুল আসামিরে ১হড় দক সাব কেদেয়া জাহা লেকা কাতেঃগে লৌই তরা গান আঃ উনি তুড়ুক কাইদি দ মিত রাজ আরি নেতারেন বয়হা কানাই। আর তারসিঞ ৫টা তেগে মিত কোম্পানি RAF আতে মারাং অফিসার হক সেটের এনা বিশাল উত্তেজনা পরিবেশ তেয়ার আকানা গমকেঠেন পুলিশ ক ফোন কেদা যে “গমকে হিজুবিন গালমারাও হুয়ু আঃ আর মিত হড় দলে সাব আকাদেয়া” ।

সাওতারেন গমকে ক আডি রাগি কাতে থানাতেক বলয়েনা গালমারাও ক এতহব কেদাক, মেনখান গালমারাও তালারে দিপিকা মৌই আ আঃ কারধানি আর অল আকাত লৌই আকাত কাথা ক ঞেল আর আজম কাতে আজম ভাড়ুম ভাঃ এনাক। জায়হোক জাহাগে চিকৌও আকান কাথা দ নিয়ৌগে যে নাচার খাতির বিছকতেই গচ আকানা নোওয়াদ পুলিশ হ বাতাও কেদা আর বাকি দোশি কহক সাব কোওয়া নোওয়াগে গটা কাতে সানাম হড় সাসাংডি থানা খন ক উডুক হেচ এনা আর থানা বাহরে রে জারওয়া আকানা সানাম দিসৌওক লৌই আত কোওয়া যে সানাম দুশি কগে ক সাব কোয়াক ৪৮ ঘণ্টা ভিতির রেগে পুলিশ কাথা ক এম কেদা আর তেহেঞ লেকাদ নডেগে ঘেরাও কামিদ হাপিত হুয় না ।

কলেজ কড়া, আতু কড়া কঠেন মিটান কাথা দ গুরলৌও কান তাহেন গেয়া- 2nd Year সান্তাড় কুড়ি দিপিকা মুরমু আঃ Personal Matter ইদি কাতেঃ আদ ওকয় চেত এ মেতায়া নেতার মাত Personal ব্যপার ওকয় চিলি দুলৌড় আয়া, বায় দুলৌড় আয়া, আয়া কুশি ইনাতে সাউতা লঃ আঃ সে ঠুঃ আঃ ইঞাং চেত চিকৌ আঃ । চরক চিকৌড় হুয় লেনখান মাত আডি কড়াগে উয়ুং চুডুঃরে ক তাহেনা, হেদে হারতা সান্তাড় কড়া কহ Personal Matter আজম কাতে তায়মসেন ক পিছলৌ রুয়াড় আকানা। কাথারেক লৌই আ “জাহের বঙ্গা সান্তাড় ধরম ডাহার এম কাড়গ লেখান জাহা বাং জাহালেকা তেগে বঙ্গা হক আড়িশ আম গেয়া”। দিপিকা আচ বাব ঠেন হঁ আজম এনা বাংমা নাসে নাসে উনি তুড়ুক সালাঃ দ সাগৌই দ তাহে কান তায়া সে রড় বাড়ায় তাহেঃগে আদ হারা জুয়ৌন শিখৌত কুড়ি গিদৌর নুনাঃ জুদিয় ভুল আ আয়ু বাবা আ গে চেত চিকৌরেনা মেনা আঃ।

তবে দুখ রেনাঃ দ নোওয়াগে শিখৌত কড়া কুড়িগে ননকান জানুম ঝান্টি রেদবন ঝালিঃ কানা আদম কুড়ি কদ দিপিকা মুরমু লেকা জিয়ন চালাঃ কান তাকওয়া আর কড়া কদ আসুল সেতা খন হঁ নিধৌনরে জিয়ন খাডাও হুয়ু কান তাকওয়া । ঞিদৌ ৮টা বাজাও আকানা সাসাংডি থানারেনা বারহেরে সানাম হড় আডি রকম গালমারাও বাড়া কাতে আলেয়া গাডিলেরে দেচ এনা সারাদিনরেনাঃ হারখেত করেনা গাল মারাও আগুই দালে, সানামগে তিনৌঃ দুখ বাং বুঝাঃ কানা অনাখন রাগিগে বাড়তি মনেরে গুরলৌও কানা। তেহেঞাঃ আন্দোলন রেনাঃ জ বিলি খুব বেশি বাং ঞাম লেনরেহ নোওয়া আন্দোলন যে দরকার তাহে কানা চেদাঃ সে সাওতারেন সানাম কুড়ি গিদৌর ত আর বাক সমাণ আ তিহিঞ মিটান দিপিকা-য় বাগিয়াকাত বনা আর কোন রকম প্রতিবাদ যদি বাং হুয় কোওয়া গাপা দ ১০০০ দিপিকা ক বাগিয়াবনা। ২০১৭-১৮ সাল রে কম কাতে ৩০টি একেন সান্তাড় কুড়ি গিদৌর ক রেপ আর গচ আকান তাবনাক দুখ দ নোওয়াগে আবরেন কুড়ি গিদৌর নিত হঁ বাংক সচেতনঃ কানা Personal Matter লৌই কাতে জাস্তি Modern উদুগ রেয়াবন চেষ্টায় দা আর সাওতা রেনা কাথা বাংক উইহার এদা আর দিন দিনতে আব চেতান নাহাচার হ বাড়তি ইদি কানা । সানাম গেবন বাডায়া ছাতিক দ সান্তাড় দক রাগিয়াবন গেয়া এন্তে রেহ চেদা বাংবন সচেতনঃ কানা আর ছাতিক হঁ অনারেনা সুজোগ ক হাতাও দা । আডি রাগি কাতেঃ সুরাই দা লৌই কেদা বয়হা “নেতার রেন সান্তাড় কুড়ি কোওয়া এমন ভাব ভঙ্গি অতরে জাঙ্গা বাং বাইসা তাকোয়া একেবারে দিকু কড়াঠেন ক Apple এদা Come on Rape me আর নংকান অহং ভাব খাতির গে দিকু কড়া সুজোগ হাতাও কাতে আডি সান্তাড় কুড়িকে জিয়ন চাবা কান তাকওয়া” । সুরাইদাঞ মেতায় কানা “দাদা নংকান কাথা কুড়িক ঠেন এম লৌই লেখান জুতা তেক দাল মেয়া” সুরাইদা লোইকেদা “বয়হা তিহিঞ ওকয় খাতির নুনৌবন কষ্ট ঞেনা তেহেঞ যদি পুলিশ লাঠি চার্জ সে ফায়ারিং কেয়া ক তিনোঃ হড় চবন গচ কোওয়া আর বাংখান বন ঘায়েল কোওয়া হাহাড়াঃ আবনাঃ সাওতারেন কুড়ি কওয়া মানসিকতা নুকুদ বুঝাও কাতে হঁ বাক বুঝাও আ” – সুরাই দা আঃ পুলিশ ফায়ার কাথা আজম কাতে কড়াম গে ঢায় ঢায় এন তিঞা, ঘড়ি ঞেল কেদা ঞিদা ১০।৩০ সাডে আকানা গাডি হঁ সুরাই দা আঃ অড়াএ সেটের আকাদা আড়গ কাতে সুরাই দা আর হিলি ঠেন বিদৌয় হাতাও কাতে অড়া ইঞ চালাও এনা।