কয়ঃগ মেসে হিজুঃ রেহম গাডি
ঞেল মেসে সেনঃ রেহম গাডি,
নেশদ আলম হিড়িঞা পেঁড়া বুডি
শিলদৌ দিসম পাটাবিঁন্দৌ টান্ডি।

পাটাবিন্দৌ পরব টান্ডি রে উফেল মেনায়
দাঁশায় ভায়রম গুরু আঃ ধিরি বঙ্গা থান,
সেদায় দ শিলদৌ দিসম অঁত দুল দুলৌঃগ তাহেৎ
সানাম মানমী আঃ বগে বাড়িজ ঞেঞেল কান।

পরব লাগড়ে কারাম সহরায় রুতে
তুমদা টামাক সাডে রিহিড় বিদিড়,
আরহ দাঁশায় ভুয়ৌং ভুং ভুং রাওয়াগ
শিলদৌ দিসম দুল দুলৌগ ঞুরু আঁকো লিদির।

নাপায় নাপায় সিবিল সড়ম জম ঞু আঃ ঞামঃ
পাতড়া পিঠৌ,লেটো,জেল দাকা,জিলৌপি লাডু,
জাতিয়ারি সাজ সাপাব তুমদা টামাক রেগড়া
সাঁকোওয়া,তিরিয়ৌ,বানাম,কলগা,ঘাঘর ডাডু।

আরহ ঞামঃ কানা পাঁঞ্চি লুগড়ি পতব পাথাম
গুড়গু ধিরি পারকম গান্ডো জনঃগ পৌটিয়ৌ,
দৌতৌনি সাকাম পাতড়া রানু লামা্ঃগ নাহেল
কুডি কৌটৌরি টাঁঙ্গা দাঁতরম থারি বাটি টৌটিয়ৌ।

সান্তাড় সাঁওতা রেনাঃ লায় লাকচার ঝালকাঃ
জেগেৎ জাকাত ঠাঁও এ হামেট পাটাবিন্দৌ পরব,
বিহার বেঙ্গল আসাম ওড়িশা ঝাড়খণ্ড ত্রিপুরা খন
সান্তাড় বয়হা ক ঞেপেল ঞাপাম নোওয়াগে গরব।