• প্রশ্ন_1  “লুগুবুরু ঘান্টা বাড়ে” দ চেৎ কানা আর অকারে মেনাঃ আ ?

উত্তর_ লুগুবুরু ঘান্টাবাড়ে দ সানতাড়াঃ বঙ্গাবুরু ঠাঁও কানা । নোওয়া দ সেরমা রেনাঃ সহরায় কুনৌমি মাহিত হিলোঃ ক বঙ্গাবুরুয় আ ।

নোওয়া দ ঝাড়খন্ড পনত রেনাঃ বোকারো জেলা মেনাঃ লাল পানিয়া রে মেনাঃ আকাদা ।

• প্রশ্ন_2 ‘ল-বির’ মেনতে চেৎ এম বাডায়া ?

উত্তরসান্তাড় কোওয়া মুচৌৎ বিচৌর ঠাঁওগে ল-বির ক মেতাঃ কানা ।

( অকা বিচৌর আতু দরবার, পিড় দরবার,মুলুক দরবার,তল্লাট দরবার,অকারেঁহ বাং সালাগটা আকানা অনকানা গে নঁডে দ বিচৌর হোয়ঃ আ ) ।

• প্রশ্ন_3 নায়কে দ জাহের চালাঃ অক্ত ডালিচ রে চেৎ কয়ঃ ইদি তরায়া ?

উত্তরনায়কে জাহের রে বঙ্গাবুরু চালাঃ অক্ত ডালিচরে আদওয়া চাওলে,সুনুম,সিন্দুর,মিথি,হাটাঃ রে হলং আর কাপি, দৌউড়ারে শিকড়ি,সাকাম,জনঃ,আঃ, সার, সাজাও কাতেৎ ইদিয়া । নায়কে তায়ম তে জগমাঝি ,পারানিক,কুডৌম নায়কে,ক চালাঃ আ । আর দাড়ে কঁ হ ক সঙ্গে তেকো ইদি তরাইয়া সাঁওতে সানাম আতো হড় ক চালাঃ আ জাহের তে ।

• প্রশ্ন_4  ‘সাকাম অড়েচ’- দ চেৎ কানা ?

উত্তরসানতাড় সাঁওতা লেকাতে যাঁহায় ক বাপ্লা আকানা আদ যদি অনা বাপ্লা পরে তিরি-পুরুষ যদি কোন কানর বশত বাং তিরি-পুরুষ যদি বাং তাঁহে বুঝৌও এৎ কিনা, তাঁহলে সানতাড় সাঁওতা লেকাতে উনকিন দ তিরি পুরুষ খন ক বাপাগ কা কিনা , অনা গে ক মেতাঃ কানা সানতাড় সাঁওতা রে সাকাম অড়েচ দ ।

• প্রশ্ন_5  জাহের থান দ চেৎ কানা ?

উত্তরজাহের থান দ সানতাড় কোওয়া ধরম জাগয়া কানা । সান্তাড় কঠেন নোওয়া জাগয়া দ আডি সনৎ জাগয়া লেকাতে লেখাঃ আ । দিকুঠেন যেলেকা মন্দির,মুসলৌ কঠেন যেলেকা মসজিদ আর ইসৌয় কঠেন যেলেকা গিরজা ঠিক অনকাগে সানতাড় কঠেন জাহের থান দ । তফাৎ দ খালি উনকুদ ধরম জাগয়া উদুঃ লাগিৎ দালান অড়াঃ ক তেয়ারা আর আবো সান্তাড় খান দ নোওয়া মজঃ সিরজন আর পরিবেশ রে মিৎ দারে চিনহৌ লেকাতে দহকাতেৎ ধরম জাগয়াবন উদুগা । নোওয়া ধরম জায়গারে গে নায়কে দ বাহা,মাঃ মড়ে রে আতো পাহটা খন বঙ্গা বুরুকো দেবা সেবা কোওয়া ।