ভাদরবঙ্গা চাবায়য়েনা দাঁশায়বঙ্গা বলয়েন
খেৎ বৗদরে ভুৎমুড়ী হুড়ু পটেঃ ধুরৗউএন,
বৗদ আড়েরে পুঁড়গে ঞেলঃ দালায় দালায় কাশিবাহা,
হৗড়িয়ৗড়গে গটাদিশম ঞেলঃ রিলৗমালা ।
সের্মারে রাহলা রিমিল অটাং বাড়ায় আ
মিৎঠেন জাউরা লেনখান দাঃ এ জাড়ি আ, অৗচকৗ দাঃতে বৗদ বৗয়হৗড় পেরেজ্ গদঃআ
হুড়ু খেতরেন পুঁঠি ডৗঁড়কৗ মাক ছিলবিলৗঃ আ ।
উনকু ঞেলতে গুতি কড়াক মাত
বৗয়হৗড় ভাঁগাটরে কৗশি টরডাংক অডাও,
ঝালি কআক টরডাং পেরেজ
উতু কআক বাড়গি রেয়াঃ শির ঝিঁগৗ সাঁউ।
ঞিদৗবেড়া সের্মারে বাং তাঁহেনা রিমিল
অৗডি চরকগেক জুলুঃ তেরেতেসে ইপিল,
সের্মারে রিমিল বাংতে জাসতি শিশির ঞুরুঃআ
সেতাঃবেড়া দাঁড়াবাড়া অৗডি মজগে বুঝৗঃআ ।
সিঁগৗড়বেড়া গুতিকড়া কুলহি মুচেৎ বেডারে কাডায় গুপিয়া
তিরয়োই অরং দাঁশায় রৗড়তে,
মনে জিউয়ৗই জিয়ৗড় আ ।
ঞেল ঞেলতে দাঁশায় পরব সেটের হিজুঃআ
ভুয়ৗঞ গুরুআগ্ অড়ারেমা আতু কড়াক জাউরাঃআ,
ভুয়ৗঞ গুরুআঃ আয়ুরতে
কড়াক মা দাঁশায় দাড়ান ক বাহেরঃআ ।
দাঁড়ানাক আতু কে আতু পে,পুন মড়ে মাহা
সেতাঃ খনাঃ সিঁগৗড় হাবিচ্ সুর সাঁগিঞ আতু,
পেরেজঃ তাক জঁডরা খৗচলৗগ্ পেরেজ্
গিদৗরক মা গঃ কাতে আগুই আক কুরু কুুুরু।
টাঁডি টিকুর আতু টলাকরে
দাঁশায় সেরেঞগে রাঁউআগ্ আ ,
দাঁশায় দাড়ান কড়াক কমা সিঁগৗড় অড়াঃক রুয়ৗড় আ,
ভুয়ৗং গুরু রাচারেমা দিনৗম সিঁগৗড়ক এনেচ্আ । কাঁসা করতাল ভুয়ৗঞ সাডেতে
এনেজ্ সেরেঞ তেক আঁদোড় আ,
কাঁসা করতাল ভুয়ৗং রেয়াঃ রৗড় আঁজম তে
সানাম কক মেন ,
” দাঁশায় পরবদ সেটেরেন “
***************